നിമ്മി!!
നിലാവുപോൽ ചിരിച്ചുകൊണ്ട് മനസിലേയ്ക്ക് ആഴ്ന്നിറങ്ങിയവൾ!!
പതിറ്റാണ്ടുകൾക്ക് പിന്നിലെന്നോ ഒരു ഹോസ്പിറ്റൽ വരാന്തയിൽ വച്ചാണ് രോഗികൾക്കിടയിൽ തരളിതമായി വീണു കിടന്നിരുന്ന അവളുടെ പുഞ്ചിരി ഞാൻ എടുത്ത് ഹൃദയത്തോട് ചേർത്തത്. മെഡിക്കൽ റെപ്പ് ആയും പിന്നീട് മാർക്കറ്റിങ് എക്സിക്യൂട്ടീവ് ആയും ആ പുഞ്ചിരി വട്ടത്തിൽ അവളറിഞ്ഞതിൽ കൂടുതൽ തവണ അവളെറിയാതെ തന്നെ നുഴഞ്ഞു കയറിയിട്ടുണ്ട്.പലവട്ടം!!🥳🥳
കാലം എന്ന വലിയ തിരക്കഥകൃത്തിന്റെ തൂലികയിലെ അക്ഷരങ്ങളിൽ പക്ഷെ 'അക്ഷരങ്ങളെയും മഴയെയും' സ്നേഹിച്ചവളുടെ മുന്നിലേക്ക് ഉള്ള വഴികൾ എനിക്കായി കുറിക്കപ്പെട്ടിരുന്നില്ല.
വർഷങ്ങൾക്ക് ശേഷം..മൂക്കുത്തി വിടരുന്ന പുഞ്ചിരി തേടി സോഷ്യൽ മീഡിയയിൽ ചെറിയൊരു അലച്ചിൽ!!
ഇഷ്ടനിറസാരിയിൽ.... ഫോട്ടോയ്ക്ക് വേണ്ടി മാത്രം എടുത്തണിഞ്ഞ പുഞ്ചിരിയോടെ ആൽമരചുവട്ടിലായി അവളെ ഞാൻ കണ്ടെത്തി .
ആശുപത്രി വരാന്തയിൽ നിന്നും.... വിദ്യാഭ്യാസവകുപ്പിലെ പടികൾ ചവുട്ടി ഭരണ സിരാകേന്ദ്ര നഗരത്തിലേയ്ക്ക് കുടിയേറിയപ്പോളേക്ക് ഭാര്യയായി..... അമ്മയായി ഒക്കെ നിമ്മി വളർന്നിരുന്നു.
മാറ്റം ഇല്ലാതെ തുടരുന്നത് എന്നിലെ സൗഹൃദം മാത്രം!!
ആ സൗഹൃദത്തിന്റെ തിളപ്പിൽ.... ചാറ്റിലേയ്ക്ക് ഊളിയിട്ട എന്റെ മുന്നിൽ പുഴ ആഴങ്ങളിൽ ചെളിമൂടികിടന്ന ഒരു സത്യം കുമിളകൾ പരത്തി പൊങ്ങിവന്നു.
വ്യത്യസ്ത ഉള്ള എന്റെ പേരിനെ എങ്കിലും.... അവളുടെ വിദൂര ഓർമയിൽ പോലും പതിപ്പിക്കുന്നതിൽ...ഞാൻ പണ്ടത്തെ തന്നെ പാടെ തോറ്റിരിക്കുന്നു!!
ചിന്തകളെ മുറിച്ചുകൊണ്ട് ആകാശവാണി തൃശ്ശൂർ നിലയം ഈണത്തിൽ പാടി...
"ഇടനാഴിയിലിരുൾ വീണുടഞ്ഞതിന് നോവുമായി.....
പതിവായി വന്നോരു നോക്കു കണ്ടോന്നു മിണ്ടുവാൻ.....
ഇട നെഞ്ചു പിടഞ്ഞു നിന്നെ തിരഞ്ഞു മുഷിയവേ.....
കഴുകാൻ തുനിഞ്ഞതാണിന്നെന്റെ കണ്ണുകൾ......"
ങ്ങ ബെ.....സ്റ്റ്!!
ഓടിച്ചെന്നു സ്റ്റേഷൻ മാറ്റി നോക്കി... Club fm ൽ പഴയൊരു ഗാനം!!
"ഒരു മധുര കിനാവിന്... ലഹരിയിലെങ്ങോ... കുടമുല്ല പൂ വിരിഞ്ഞു..........
........ ........ ........
കൊള്ളാം!!
ഇത് ഞാൻ പൊരിക്കും!!
🕺🕺🕺🕺🕺🕺🕺🕺🕺
