എന്നെ ആരും പേടിപ്പിക്കല്ലേ !! പ്ലീസ്സ്!!

(ഒരു ഈമെയിലില്‍ വിഷുകൈ നീട്ടം - അരങ്ങിനു പിന്നില്‍ )

രാവിലെ തന്നെ ഇന്നെങ്കിലും തന്നെ ആരും പേടിപ്പിക്കല്ലേ എന്ന പ്രാര്‍ത്ഥനയോടെ നമ്മുടെ പത്രക്കാരന്‍ പത്രകെട്ടുമായി ഇറങ്ങി. പോകുന്ന വഴി അടുത്തുള്ള ഗണപതികോവിലില്‍ കയറി 101 ഏത്തവും കാച്ചിട്ട്, നേരെ പോയി ചെറുവള്ളി ഗുരുക്കളുടെ അടുത്ത്‌.ആരുടേയും പേടി തട്ടാതിരിക്കാനുള്ള രക്ഷ വാങ്ങി കണ്ടിടത്തൊക്കെ തൂക്കി.എല്ലാം കഴിഞ്ഞ്, സര്‍ക്കസ്സിലെ കരടി പത്രവുമായി പോണത് പോലെ പത്രവിതരണം തുടര്ന്നു .

അപ്പോളാണ് ഫോണ്‍ കാറിവിളിക്കുന്നത്.ബെല്ല് കേട്ട് വിറച്ച കരടി ദേ കിടക്കുന്നു സൈക്കിളെന്നു താഴെ.ദേഹം മുഴുവന്‍ രക്ഷ തൂക്കിയത്‌ നന്നായി.പെയിന്റ്‌ പോയില്ല.
നമ്പര്‍ നോക്കി.ഇല്ല പരിചയം ഇല്ല!!
പൊട്ടന് ഒണേഷടിച്ചത് പോലെ കുറേ നേരം നോക്കി നിന്നു.ഫോണ്‍ വാ അടച്ചു.
ഹോ!! സമാധാനം!! താനൊരു സംഭവം തന്നെ!! “എത്ര ഭുധിപരമായാ ഒരു പേടിക്കല്‍ ഒഴിവാക്കിയത്!!”

അപ്പൊ ദേ പിന്നേം ഫോണ്‍ കാറുന്നു.വെപ്രാളത്തിനിടയില്‍ എങ്ങനയോ കാള്‍ ഓണ്‍ ആയി.മറുതലയ്ക്കല്‍ ആംഗലേയം.
സൈബര്‍ സെല്‍ ആണെന്നോ തനിക്കെതിരെ ഒരു കംപ്ലൈന്റ്റ്‌ ഉണ്ടെന്നോ ഒക്കെ പോക്കെറ്റ്‌ ഡിക്ഷ്ണറി നോക്കിയപ്പോ മനസ്സിലായി.


“സര്‍!!, ഞാന്‍....അത്....അല്ല... ഇത്... അങ്ങനൊന്നും അല്ല..... ഇത്...ബാലന്‍സ്സ് ഇല്ലാത്ത ഫോണ്‍ ആണ്.ഞാന്‍ വിളിച്ചിട്ടില്ല.സത്യം!! ഞാനാ ടൈപ്പ് അല്ല സാര്‍ ”
കാലുമുട്ടുകള്‍ തപ്പുകൊട്ടി തുടങ്ങി. അടിമുതല്‍ ഒരു വിറയല്‍.
കഴിഞ്ഞ മൂന്നു ദിവസമായി ബാലന്‍സ്സ് ഇല്ല.പിന്നെങ്ങനാ ഞാന്‍.
ഇങ്ങനൊന്നും പറയരുത്, ബ്ലീ...സ്സ്.”
“എന്തായാലും കംപ്ലൈന്റ്റ്‌ കിട്ടി, അതാ വിളിച്ചത്.ഒരുകാര്യം ചെ......”
മുഴുമിക്കും മുന്നെതന്നെ ഫോണ്‍ കട്ട്‌ ആയി.പേടി കാരണം ഫോണ്‍ കൈയിന്നു പോയതാണോ എന്തോ??

പാവം!! വിളിച്ച്‌ കാര്യം പറഞ്ഞേക്കാം.

കിട്രും കിട്രും കിട്രും ..... ഫോണ്‍ കരഞ്ഞു.
ങ്ങേ ഹേ !!
എടുക്കുന്നില്ല.
പത്രക്കാരന്‍ ബോധം പോയി കിടക്കുന്നതറിയാതെ ഒരു മണിക്കൂര്‍ തുടര്‍ച്ചയായി വിളിച്ചു.
******
ഭോധം വന്ന ഉടന്‍ ഓടി വക്കീലിന്റെ അടുത്തേയ്ക്ക്.എന്താ പരിഹാരം എന്നറിയണമല്ലോ. ഒന്നും പറ്റിയില്ലേല്‍ മുന്‍‌കൂര്‍ ജാമ്യം എങ്കിലും!! ഒരിരയെയും കാത്തിരുന്ന വക്കീലപ്പന്‍ നീയമ വീര്യം നുരഞ്ഞു.ആദ്യം കണ്‍സള്‍ട്ടേഷന്‍ ഫീ 500. എന്നിട്ട് കാര്യം പറ.പത്രം വിറ്റ വകയിലെ കാഷ് എടുത്ത് വീശി.500 വാങ്ങി കീസേല്‍ തള്ളി.ഹും പറ.
“ അത് ...... ....... ....... .......”
താന്‍ വിറയ്ക്കാതെ കാര്യം പറയടോ.അല്ലേല്‍ ദേ കിടക്കുന്നു തന്റെം 500 കുലുവ.
“വേണ്ട സാര്‍ ... ഞാന്‍ പറയാം!!” പൈസ്സ പിന്നേം വക്കീലന് മിണുങ്ങി.
ഒരുവിധം ഒപ്പിച്ചു പറഞ്ഞ്‌കൊടുത്തു.
“ഹോ ഇതാണോ.ഇത് തന്നെ ആരോ പറ്റിച്ചതാവും.
“അല്ല സാര്‍ എനിക്ക് ഒരു കേസ് അങ്ങോട്ട് കൊടുക്കണം.സൈബര്‍ സെല്ലിലും കൊടുക്കാം,അവനാരായാലും ഒന്ന് പേടിപ്പിക്കാം”

“എന്തു പറഞ്ഞ്?തന്നെ പേടിപ്പിച്ചു എന്ന് പറഞ്ഞോ?”

“തെളിവുകള്‍ ഒന്നും ഇല്ലാതെ ഈ കേസ്സ് നിലനില്ക്കി്ല്ല.”

"പിന്നെ എല്ലാരും തന്നെ പോലെ പെടിതോണ്ടന്‍ മാരല്ല.വെറുതെ വടി കൊടുത്ത് അടി വാങ്ങണ്ട."

“എടൊ തനിക്കാ നമ്പറിലോട്ട് വേറേതെങ്കിലും നമ്പറില്‍ നിന്നും വിളിച്ച്‌ നോക്കാമായിരുന്നില്ലേ?ഇല്ലെങ്കില്‍,വല്ല ഫ്രണ്ട്സ്നെ കൊണ്ട് വിളിപ്പിക്കായിരുന്നില്ലേ?ചാഞ്ഞ മരത്തില്‍ കണ്ടവരൊക്കെ ഓടി കേറും.തന്‍റെ ഫ്രണ്ട്സ് ആരാ ബാംഗ്ലൂര്‍ ഉള്ളതെന്ന് ആദ്യം പോയി അന്വേഷിക്ക്!!
ഓരോന്നു വന്നോളും.

അപ്പോളാണ് പത്രത്തിന്‍റെ തലയില്‍ അക്ഷരങ്ങള്‍ തെളിഞ്ഞത്.

“ശരിയണല്ലോ!! അയ്യേ... ഞാനെന്തൊരു മണ്ടനാ!!”

പത്രം സ്വയം തിരിച്ചറിഞ്ഞു.
എന്നാലും എന്റെര 500 പോയതല്ലേ.ആ പരട്ടയ്ക് ഒരു മെസ്സേജ് എങ്കിലും അയച്ചേക്കാം. പൊലീസ്സും ആയി ബന്ധപ്പെട്ട ചില വാക്കുകള്‍ വേണമല്ലോ.
സൈബര്‍ സെല്‍,ADGP..... ഇനി?
ങാ ആ സൈഫുന്റെല പേരില്‍ ഉള്ള വാല്, “CID” കൂടി ഇരിക്കട്ടെ!!

“ഇത് ഞാന്‍ ഇപ്പൊ എന്റെ് വക്കീലന്‍ വഴി കൈകാര്യം ചെയ്തോളാം.
ഞാന്‍ ഇപ്പൊ തന്നെ എറണാകുളം സൈബര്‍ സെല്ലുമായി ബന്ധപ്പെടും.
കൊച്ചിന്‍ സൈബര്‍ സെല്ലില്‍ നിന്നും എന്റെപ വക്കീലന്‍, ബാംഗ്ലൂര്‍ സൈബര്‍ ക്രൈം ഉം ആയി ബന്ധപ്പെടാന്‍ ഉപദേശിച്ചിട്ടുണ്ട്.
ബാംഗ്ലൂര്‍ ADGP,CID എന്നിവരുമായി ഞങ്ങള്‍ ബന്ധപ്പെടും.”

ആ കാലമാടന്‍ മെസ്സേജ് വായിച്ച് പേടിക്കട്ടെ.ഒറ്റ ഫോണ്‍ വിളിയില്‍ ഞാന്‍ പേടിച്ചുമുള്ളിയില്ലേ?? പിന്നെന്താ അവനും പേടിച്ചാല്‍??


എന്നാലും ഇനി ഈ നാണക്കേട്‌ എങ്ങനെ മാറ്റും?അല്ലേല്‍ തന്നെ "പേടിച്ചുതൂറി" എന്നാ പീക്കിരി പിള്ളേരുവരെ വിളിക്കുന്നെ!! ഛെ..!!

*****

വേഗം ഓടി ഭാര്യേടെ അടുത്തെത്തി.
കാര്യമറിഞ്ഞ പുള്ളിക്കാരി മണ്ണുകപ്പി കപ്പി മുറ്റം നിറച്ചു.
ഇങ്ങേരെന്നെ കൂടി നാറ്റിക്കും.
പേടിത്തൊണ്ടന്‍!!
ആ നമ്പര്‍ ആരുടെ ആണെന്ന് ഒന്ന് ചെക്ക് ചെയ്താല്‍ പോരാരുന്നോ മണ്ടാ.
നമ്പര്‍ താ.ദാ ഇപ്പൊ പറയാം!!

true calleril കയറി നിരങ്ങി ഇറങ്ങിവന്ന ഭാര്യ കാര്യം പറഞ്ഞു

അയ്യേ അവനായിരുന്നോ? ഞാന്‍ ശരിക്കും പേടിച്ചു പോയിട്ടോ.ഇനി എന്താ ചെയുക? മറ്റുള്ളവര്‍ അറിഞ്ഞാല്‍ ആകെ നാണക്കേട്‌ ആകും.
“ഹും ഒരു കാര്യം ചെയൂ. അവനായിട്ട് പറയുന്നതിന് മുന്‍പേ.... നിങ്ങള്‍ തന്നെ അങ്ങു ഒരു കഥ എഴുത്.പത്രക്കാരനായതുകൊണ്ട് എല്ലാരും വിശ്വസിക്കുകേം ചെയ്യും.സത്യങ്ങള്‍ വളോച്ചോടിച്ചു എഴുതിയാ മതി. അതെങ്ങനാ എന്ന് ഞാന്‍ പറഞ്ഞ് തരേണ്ടല്ലോ,ഡെയിലി ചെയുന്നതല്ലേ!!.

പിന്നൊരു കാര്യം!!

കഥയിലെങ്കിലും നിങ്ങളെ ഒരു ധൈര്യശാലി ആയി എഴുതണേ.അങ്ങനെങ്കിലും ഞാനോന്നാശ്വസ്സിക്കട്ടെ.”

അങ്ങനെ മലര്ന്ന് കിടന്നു മേപ്പോട്ടു തന്നെ എഴുതി വിട്ടു ഒരു കഥ.

*******
ഇപ്പോളും, ആ ഫോണ്‍ മാത്രം ബാലന്സ്സ് ഇല്ലാതെയും .... വിളിച്ചാല്‍ കിട്ടാതെയും തുടരുന്നു.

*********

പൊടികൈ: കടുകുഴിഞ്ഞു അടുപ്പില്‍ ഇടുന്നത് പേടി മാറാന്‍ നന്നെന്നു പഴമക്കാര്‍!!

******************************