“കോരപ്പന്‍ ആന്‍റ് പോത്തന്‍സ്സ്”
ഇന്ന് യമപുരിയിലെ പ്രധാനപ്പെട്ട മേളകളിലോന്നിന്‍റെ ഉല്‍ഘാടനമാണ്.
യമപുരിയിലെത്തിച്ചേര്‍ന്ന സകല “അണ്ടന്‍റെയും അടകോടന്‍റെയും” വരെ ഹിസ്റ്ററിയും,ജ്യോഗ്രഫിയും ഒക്കെ നോക്കി
നിര്‍ണ്ണയം നടത്തുന്ന ദിനം.
“കേശുമ്മാവന്‍” ആണ് ഉല്‍ഘാടനവേളയിലെ
മുഖ്യാകര്‍ഷണം.കേശവനെ ഒന്ന് അടുത്ത് കാണാനും, കൂടെ നിന്നൊരു സെല്‍ഫി
എടുക്കാനും ഒക്കെ ആയി ആകെ തിക്കും തിരക്കും!!
എന്തിനേറെ, ചില വിദ്വാന്മാര്‍, കാലന്‍റെ കണ്ണുവെട്ടിച്ച് ചാത്തന്റെ കൈയില്‍ നിന്നും ഒപ്പിച്ച “ആപ്പിളി”ട്ട് വാറ്റിയ നാടനടിച്ചിട്ട്‌ ഓടി വന്ന് ഒന്ന് "കേശപ്പനെ" തൊട്ട്നക്കീട്ട് വരെ പോകുന്നുണ്ട്.ടച്ചിംഗ്സ്സ് ആണത്രേ!!
ഒടുവില്‍
കാലനെത്തി,മീശ പിരിച്ചു... എല്ലാവരും പിരിഞ്ഞു.
കേശുമ്മാന്‍റെ മുതുകത്ത് കേറാന്‍ നോക്കിയ കാലത്തിയാകട്ടെ...., താഴെ വീണ്,"പെടലി"യായി “വടക്ക്നോക്കിയന്ത്രം” കണക്കെ ഇരിപ്പുണ്ട്.അങ്ങനെ
കാലത്തിടെ പണി കൂടി കാലപ്പന് കിട്ടി.നിന്ന് തിരിയാന്‍ സമയമില്ല.ആസനത്തില്‍ തീ
പിടിച്ചത് കെടുത്താനെന്നപോലെ ഓടി നടന്നു കാലന്‍.പെട്ടെന്നാണ് ടാബ് വാ തുറന്നത്.
”യുവര്‍ അറ്റന്‍ഷന്‍ പ്ലീസ്........” നേരിട്ട്
പോയി ക്ഷണിച്ചാല്‍ മാത്രം വരുന്ന ചില “ജീവന്‍സ്സിന്‍റെ” ഇന്നത്തെ ലിസ്റ്റ് ഓര്‍മ്മപ്പെടുത്തിയതാ.
ഓടിചെന്ന്, കാലന്‍ ടാബനിട്ടൊരു കുത്ത്
കൊടുത്തു.
"ഇപ്പോളാണോ ഓര്‍മപ്പെടുത്തുന്നത്..... പൊട്ടന്‍!!”
“ഇനിയെന്ത് ചെയ്യും കര്‍ത്താവേ??”
ജഡ്ജിംഗ് പാനലില്‍ കയറി, ഒരു കുരിശുമായി ഇരിക്കുന്ന
കര്‍ത്താവ് തിരിഞ്ഞ് നോക്കി കൈ മലര്‍ത്തി.
“ബുക്ക്‌ വര്‍ക്ക്” ഉള്ളതിനാല്‍ “ചിത്രഗുപ്തനേയും വിടാനാവില്ല.ഉടനേ തന്നെ എന്തെങ്കിലും ചെയ്തേ പറ്റു!!
വേറെ ആരെയെങ്കിലും വിട്ടുനോക്കാം.ആരെ വിടും??
“ഞാന്‍ പോകാം” സായിപ്പിന്‍ പൂട പോലത്തെ
തലയുമായി... വെളുക്കെചിരിച്ചുകൊണ്ട്‌,തുള്ളി നീലത്തിന്‍റെ പരസ്യം
പോലെ വെള്ളയും വെള്ളയും ഇട്ട്.... മരതവളേ പോലെ ഒരാള്‍ ചാടി ചാടി വരുന്നു.
“ലീ....ഡര്‍ര്‍ര്‍ര്‍ര്‍” !!!
പോത്തച്ചന്‍റെ മോളില്‍ ഒരു കസ്സേര കെട്ടിവച്ച്, അത് കാണിച്ച് കൊതിപ്പിച്ച് കൊതിപ്പിച്ച് ഇവിടം വരെ കൊണ്ടുവരാന്‍
പെട്ട പാട് തനിക്കറിയാം. ഇനി ഒന്നും കൂടി ഇങ്ങേരേ പുറത്ത് വിട്ടാല്‍ പിന്നെ, ഈ ജന്മത്ത് തിരികെയെത്തില്ല.
“ഓ..നെ ബിട്ടാല്‍... നമ്മന്റെ ആള്‍ക്കാര്‍ അനക്ക് പണി തരും....ട്ടാ ”
ഇതാ വരുന്നു കോമഡി മുഖ്യന്‍. രണ്ടിനേയും ഓടിച്ചുകൊണ്ട് കാലന്‍
പിന്നേം നോക്കി.ആരെ വിടും??
അപ്പൊ ദേ നില്‍ക്കുന്നു.... “ആല്ഫ്രഡ്പേരേര വില്ഫ്രഡ്
ഡിസ്സൂസ്സ ഗ്രിഗറിഗോണ്‍സാല്‍വസ്സ് മരംചാടികോരന്‍”. സങ്കരയിനമാ, അച്ഛന്‍ വിദേശി, അമ്മ സ്വദേശി.
A.P.W.D.G.G.M കോരന്‍... എന്ന് ചുരുക്കം.
അങ്ങു ഇറ്റലിയിലെ, പോക്കണംകോട് നഗരത്തിലെ ലൈന്‍മാനായിരുന്നു.11
കെ.വി യേല്‍ തൂങ്ങി മരിച്ചതാ.നല്ല നാടന്‍ വാറ്റടിച്ച്,11 കെ.വി പോസ്റ്റില്‍ കേറി.അവിടിരുന്നുറങ്ങി.അങ്ങനെ ഉറക്കം തൂങ്ങി
തൂങ്ങി കമ്പിയേലോട്ട് വീ ണു. "തന്തൂരി” പരുവത്തിലാ കാലനുകിട്ടിയെ!!
“ഡാ ശശി.......” കാലന്‍ നീട്ടി
വിളിച്ചു.വിളിക്കാനെളുപ്പം ശശിന്നാ. നാക്കുളുക്കില്ലല്ലോ.
“A.P.W.D.G.G.M കോരന്‍” ഹാജര്‍!!
വര്‍ണ്ണിക്കാനേ പറ്റാത്ത അത്ര ബോറു രൂപം.
ഹം!! ഇവന്‍തന്നെ മതി.കാണുമ്പോള്‍ തന്നെ കാറ്റ് പൊയ്ക്കോളും.
കാര്യം പറഞ്ഞു.കോറിക്കാന്‍ വാങ്ങിയ കപ്പലണ്ടിടെ പേപ്പറെല്‍ പേരെഴുതി
കൊടുത്തു.ടാബും കൊടുത്തു.ടാബുണ്ടെങ്കിലെ യദാര്‍ത്ഥ സമയം നോക്കി പോക്കാനാകു.
പക്ഷേ,...... കാലന്‍ തോണ്ടിയാലേ ടാബന്‍
ഉണരൂ.അല്ലെങ്കില്‍ കാലന്‍റെ ഗദയ്ക്ക് കുത്തണം.
ഗദയെടുത്ത് കൈയില്‍ കൊടുത്തു. കണ്ണടച്ച് തുറന്നപ്പോള്‍ ശശി ഇല്ല.
“ഇത്രവേഗം പോയോ?, നല്ല ആത്മാര്‍ത്ഥത!!”
പറഞ്ഞുതീരുംമുന്‍പേ ഒരു കാറല്‍ കേട്ടു.നോക്കുമ്പോള്‍ ദേ കിടക്കുന്നു ശശി ഗദയും കൊണ്ട് താഴെ!!
ഒരിക്കല്‍ ചത്തത് കൊണ്ട് ഇത്തവണ രക്ഷപെട്ടു.
തന്‍റെ ഗദ മറ്റാര്‍ക്കും വഴങ്ങില്ല എന്നത് അപ്പോളാണ് കാലന്‍ ഓര്‍ത്തത്.
ഗദ മാറ്റി..കോരനെ കോരിയെടുത്തു.അരത്തോടം കാടിവെള്ളത്തില്‍ കലക്കിയ
ബൂസ്റ്റ്‌ കൊടുത്തു.കോരന്‍സ്സ് ഒക്കെ!!
ടാബെടുത്ത് അറ്റകൈ പ്രയോഗിച്ചു. "ഓതറൈസേഷന്‍" കത്ത്
കൊടുത്തു.
“ചിലപ്പോള്‍ ചില ചോദ്യങ്ങളും, “ക്യാപ്സിക്കം” നോക്കി വരയ്ക്കാനും തരും.തെറ്റിക്കരുത്.”
പിന്നെ, അത്യാവശ്യസമയത്ത് പോത്തപ്പന്‍ സഹായത്തിനെത്തിക്കോളും.
ടാബും തൂക്കി കോരപ്പന്‍ തിരിച്ചു.
*********************************
അതേ സമയം,....
പല ഗുരുക്കളുടെയും അടുത്ത് മാറി മാറി പോയിട്ടും അവര്‍ ഓതിയ വേദമോന്നും
പോത്തിന്‍റെ ചെവിയില്‍ കേറിയില്ല.ഒടുവില്‍ സാക്ഷാല്‍ വേദപ്പന്‍റെ അടുത്ത് തന്നെ പോകാന്‍
തീരുമാനുച്ചു.
ചെന്ന് കേറിയപ്പോളെ നല്ല പച്ചപ്പുള്ള ഒരു തണ്ട് കണ്ട പോത്തന്, കേറിയൊരു കടി
കൊടുത്തു.തണ്ടോടിഞ്ഞു.
ഉച്ചയൂണും കഴിഞ്ഞ്, ചുരുണ്ടുകൂടി കിടന്നുറക്കമായിരുന്ന,
വേദപ്പന്‍ താമരയോടെ നടുവുംതല്ലി താഴെ!!
വേദങ്ങള്‍ പുറപ്പെട്ട നാവില്‍ നിന്നും ബ്രഹ്മന്‍ അഞ്ചാം വേദം
പുറപ്പെടുവിച്ചു.ജാതിമത ഭേതമന്യേ ഏവരും അതേറ്റുവാങ്ങി ഇന്നും പതിവായുരുവിട്ടുപോരുന്നു.
മറ്റു വേദങ്ങള്‍ പലവട്ടം കേട്ടിട്ടും ഒരു പിണ്ണാക്കും പിടികിട്ടാത്ത പോത്തന്,
“പുളിച്ച തെറി” എന്ന അഞ്ചാം വേദം
പഠിക്കുന്ന ആദ്യ ശിഷ്യനായി മാറി. വീണു കിടക്കുന്ന വേദപ്പനെ,പോത്തന് കുത്തിനു
പിടിച്ചു പൊക്കിനിര്‍ത്തി.പഞ്ഞി മൊട്ടായി ആണെന്നോര്‍ത്ത് താടിക്ക് കടിച്ചു
വലിച്ചപ്പോള്‍, ബ്രഹ്മന്‍ ഒരിക്കല്‍കൂടി “പോത്തിന്‍റെ ചെവിയില്‍ വേദമോതി”
പേരെടുത്തു.
ജലദോഷം പിടിച്ച്, 4 മൂക്കും ഒലിപ്പിച്ച് മുന്നില്‍ നില്‍ക്കുന്ന വേദപ്പനായ
ബ്രഹ്മനെ കണ്ട് പോത്തന് ചിരി പൊട്ടി.
“ബ്രേ.......ഹ്ഹ...ഹ..ഹ..ഹ,
ബേ...........ഹ .....ഹഹഹ.........”
“മ്ബേ.....ഹ,.....ഹ ..ഹ... ബ്രേ....ഹ..കി.... കി...കി...........
ഹഹഹഅഹഹ...”
അതുകണ്ട ബ്രഹ്മനു കലി പൊട്ടി.
കൈയ്യില്‍ കിട്ടിയത് കൊണ്ട് മണ്ടയ്ക്കിട്ടോന്നു കൊടുത്തു.
തുറന്ന വായില്‍ കിടന്നു പിടച്ചിരുന്ന നാക്കിനിട്ട്... അള്ള് വച്ച് കിള്ളി!!
അടുത്ത് കിടന്ന തേങ്ങയെടുത്ത് പോത്തന്‍റെ കൂമ്പിനെറിഞ്ഞുടച്ചു.
തീപ്പെട്ടി ഉരച്ചു വാലീല്‍ കൊളുത്തി.
ചട്ടുകം പഴുപ്പിച്ച് ചന്തിക്കിട്ട് കുത്തി.
“കഥ മാറി...., കളി...മാറി...,
ചിരി മാഞ്ഞു..., കിറി..കോട്ടി!!
കണ്ണിലെല്ലാം ഇരുട്ട്കേറി....
പാ....യലേ..വിട!! പൂപ്പലേ വിട!!”
*************************
പോത്തന്‍സ്സ് വാലും പൊക്കി ഓട്ടം തുടങ്ങി.ഒട്ടത്തിനിടയില്‍ കരഞ്ഞു കൂവി.
“ഇങ്ങനെയൊക്കെ.. ചെയ്യാമോ?..
നമ്മുക്ക് വീണ്ടും... കാണണ്ടെ...??
പേടിപ്പിച്ചാല്‍....
പോരാരുന്നോ?..
ഒത്തിരി.. സങ്കടം ഉണ്ട്ട്ടോ...”
ബ്രഹ്മപ്പന്‍ ചൂടിലാന്നു മനസ്സിലായ പോത്തന്,ന്യൂട്ടന്‍റെ ചലന നീയമം പരീക്ഷിച്ചു.മൂട്ടില്‍
നിന്നും ചാണകം പുറത്തേയ്ക്ക് തള്ളി,ആ ഫോഴ്സ്സില്‍ എസ്കേപ്പ് വെലോസിറ്റി കിട്ടി.
ന്യൂട്ടന്‍ ജയിച്ചു,ബ്രഹ്മന്‍ തോറ്റു!!
“പേടിച്ചു തൂറി, നില്‍ക്കടാ അവിടെ ” വേദപ്പന്‍ കലിതുള്ളി.
പോത്തനോടിയ വഴിയില്‍ വീണ ചാണകത്തിന്‍ മേലെ പുല്ലു മുളച്ചു.
ബ്രഹ്മ ലോകം കടന്നതും മൊബൈലില്‍ മെസ്സേജ് എത്തി.
“എനക്ക് തരക്കാ!!
പൊകരം, കോറന്‍ ഈസ്സ് ഓണ്‍ തൂട്ടി.
ഒന്ന് പോയി ഹല്‍പ്പിയേക്ക്.
എന്ന് ചോന്തം കോളന്‍”
മുഴുവന്‍ അക്ഷരത്തെറ്റാ, ഊള!!
പോത്തനു കാര്യം പുടി കിട്ടി. GPS ഓണാക്കി.
കോരപ്പനെ തപ്പി പോത്തന്‍സ്സ് ഡ്യൂട്ടി തുടങ്ങി!!
****************************************************************
മുന്‍ ഭാഗങ്ങള്‍:
ഭാഗം 1- “ഗുണ്ട്മേരി”
ഭാഗം 2- “കാലന്‍ കോഴി”
ഭാഗം 3- “കേശുമ്മാവന്‍”
ഭാഗം 4- "ന്യൂട്ടയന്ത്രം"
No comments:
Post a Comment