കാക്ക
കറുത്ത പുറവും, വെളുത്ത അകവുമായി ജീവിക്കുന്നവന്‍.
വലിച്ചെറിയപ്പെട്ടതിനേയും,ജീവിത യാത്രയില്‍ തളര്‍ന്ന്
വീണതിനേയും അന്നമായി മാറ്റേണ്ടി വന്നവന്‍.
ബലിച്ചോറിന്റെ
അവകാശിയാണെങ്കിലും,ഒരുപോലിരിക്കുന്ന തങ്ങളില്‍ ആരാ ചത്തതെന്നറിയിക്കാതെ,കുലത്തോടെ
ഇല്ലാതായികൊണ്ടിരിക്കുന്ന, ആട്ടി പയിക്കപ്പെടുന്നവന്‍ !!
പട്ടി
മുറിച്ച വാലിന്മേല്‍
ചോരപോടിയുംമ്പോളും,വലുമുറിച്ചവന് നേരെ സ്നേഹപ്രകടനത്തിനായി മുറിവാല്ലാട്ടുന്ന
മരമണ്ടന്‍.
ഒരു തുണ്ട് ഭക്ഷണത്തിന്, ജീവിതകാലം മുഴുവന്‍
കടപ്പാട് കാണിക്കുന്ന പമ്പര വിഡ്ഢി.
കോഴി
കൂവി ഉണര്ത്തിവിട്ടവന്റെ മുന്നില്‍
വസ്ത്രമുരിഞ്ഞ്, ചട്ടിയില്‍ കേറി കിടക്കേണ്ടി വരുന്നവള്‍.ഇവള്‍ വേശ്യയോ,
വേശ്യയാക്കപെട്ടവളോ??
അണ്ണാന്‍
ശുദ്ധമാമ്പഴം തേടിഅലഞ്ഞു മടുത്ത്, കൊടും വിശപ്പ്
താങ്ങാനാവാതെ, വാല് തല്ലി കരയുന്നവന്‍.
ഇപ്പോള്‍ അദൃശ്യന്‍!!
വിശന്നിട്ടോ എന്നറിയില്ല, ചെവിയോര്‍ത്താല്‍........,
ചില കോളിംഗ് ബെല്ലുകള്‍ക്കുള്ളില്‍ നിന്നും,
ഇപ്പോളും അവന്‍റെ കരച്ചില്‍ കേള്‍ക്കാം
പാമ്പ്
നിരത്തിലിറങ്ങിയാല്‍ തല്ലികൊല്ലുന്നവരോടുള്ള
പ്രതികാരം തീര്‍ക്കാനും, കൈകാലുകള്‍ തരാഞ്ഞതില്‍ പടച്ചവനോടു പ്രതിക്ഷേധവും, എല്ലാം
ചേര്‍ന്ന്, പരകായ പ്രവേശത്തിലൂടെ മറ്റൊരു ദേഹത്തില്‍ ചേക്കേറികഴിഞ്ഞു.
എന്തായാലും കക്ഷിക്കിപ്പോ കൈകാലുകള്‍
ഉണ്ട്,നിരത്തിലിറങ്ങാം,നടു റോഡില്‍ വരെ ഇഴഞ്ഞു നീങ്ങാം.മദ്യസേവ നടത്തണമെന്ന്
മാത്രം.
മരംകൊത്തി
കൊത്തുവനുള്ള മരവും തേടി വര്‍ഷങ്ങളായി അലയുന്നു എന്ന് കരുതപ്പെടുന്ന ഒരു ജീവി.പക്ഷിയോ മൃഗമോ എന്നു വെളിപ്പെടുത്താന്‍ പോലും രേഖകള്‍
അവശേഷിക്കുന്നോ എന്നറിയാത്ത എന്തോ ഒരു സാധനം.
.png)
പൂച്ച
കെട്ടുകഥകളില്‍ മാത്രം ഉണ്ടായിരുന്ന സിംഹം,പുലി
എന്നിവയുടെ ഒക്കെ തറവാട്ടില്‍ പെട്ടവന്‍ എന്ന് വീമ്പും പറഞ്ഞ് നടക്കുന്ന പെരും
കള്ളന്‍.
എച്ചില് തിന്നും,പാത്തും പതുങ്ങിയും, കട്ടും
പെറുക്കിയും,മുട്ടി ഉരുമിയും ഒക്കെ ജീവിക്കുന്ന വെള്ളത്തില്‍ പൊങ്ങി!!
നീലപൊന്മാന്‍
ബുദ്ധികൂടി, കിണറ്റിനടിയിലെ പൊത്തിലേ മുട്ട ഇടൂ
എന്നും പറഞ്ഞ് നടന്ന പൊട്ടന്‍!!
ഇപ്പോള്‍, കുഴല്‍ കിണറിന്‍റെ അടിയിലോട്ടുള്ള
വഴിയറിയാതെ, പ്രോഡക്ഷന്‍ നിര്‍ത്തി, പുരാവസ്തുശാസ്ത്രം പഠിച്ചോണ്ടിരിക്കുന്നു.
.png)
മണ്ണിര
ചൂണ്ടയില്‍ കോര്‍ക്കാനോഴികെ, ഒരു അലവലാതിക്കും
വേണ്ടാതിരുന്ന ഇവനിപ്പോ VIP!!
മണ്ണിനടിയിലോന്നും അങ്ങനെ കണാന്‍ കിട്ടില്ല.അത്ര നിര്‍ബന്ധമാണേല്‍,
പ്രത്യേക മുറികള്‍ ഒരുക്കിയാല്‍, കൃഷി വകുപ്പ് വഴി അവിടെ വന്നാല്‍ വന്നു.ഞാഞ്ഞൂലും
തല പൊക്കി തുടങ്ങി, അല്ലാതെന്താ!!
.png)
പശു
സ്വന്തം കുഞ്ഞിന്‌ വേണ്ടി ചുരത്തുന്ന പാല്‍, ഊറ്റി
എടുക്കുവാന്‍ മുടങ്ങാതെ നിന്നു കൊടുക്കേണ്ടി വരുന്ന ഒരു ഹതഭാഗ്യ.
കൊതുക്
സംഗീത ബോധമുള്ള, യഥാര്‍ത്ഥ ചാവേറുകള്‍!!
താന്‍ ചത്തും ലക്ഷ്യം നേടുന്നവന്‍.കല്‍കിയുടെ
അംശാവതാരം!!
മനുഷ്യന്റെ അഹങ്കാരത്തിനുമേലാധിപത്യം സ്ഥാപിച്ച
ഒരേ ഒരു ധീരന്‍!!
*************
*************
*************
*************
ചിര പരിചിതരായിരുന്ന പല ജീവികലേയും വിചിത്രജീവികളും, അപൂര്‍വ ജീവികളും
ഒക്കെ ആക്കിയ ഗര്‍വ്വില്‍...,
മനുഷ്യന്‍
മലര്‍ന്ന് കിടന്ന് തുപ്പുന്ന ബുദ്ധിജീവി.എതിര്‍
ലിംഗത്തിന്‍റെ മാറിടത്തില്‍ കൊതിയോടെ നോക്കാന്‍ മടിക്കാത്ത ഒരേ ഒരു ജീവി വര്‍ഗം.സ്വയം
വില്‍ക്കപ്പെടുന്ന ബിസ്സിനസ്സ് മാഗ്നറ്റ്.
സ്വന്തം അച്ഛന്റെ പുത്രനെ “അനിയാ” എന്ന്
വിളിക്കണോ, അതോ “മകനെ” എന്ന് വിളിക്കണോ എന്നറിയാതെ പലപ്പോഴും ഉഴറുന്നവര്‍.
No comments:
Post a Comment