സ്ഥിരമായി നടക്കുന്ന തേങ്ങാ മോക്ഷണം തടയാനായി കൊണ്ടുവന്ന നായയെ അച്ഛന്‍ തന്നെ പേരിട്ട് വിളിച്ചു."കൈസര്‍".തനി നാടന് ചാവാലി ആയ ഇവന് "കൈസര്‍" എന്ന പേര്??
ആ സംശയം അന്ന് രാത്രി തന്നെ തീര്‍ന്നു.ചീവിടുകളുടെ സംഗീതവും,ഓടി നടന്നുള്ള കൈസറിന്റെ കുരയ്ക്കു മുന്നിലായി ഓടി മറയുന്ന കാലടികള്‍ക്കൊപ്പം ഉയര്‍ന്നു വന്ന ഒരു നിലവിളിയും കൂടി ചേര്‍ന്നപ്പോള്‍ അന്നത്തെ രാത്രിയെ കൈസര്‍ തന്‍റെ പേരിലെഴുതി ചേര്‍ത്തു.നാടന് ശൌര്യം കൂടും എന്ന് അന്ന് മനസ്സിലായി.
അതോടെ കൈസര്‍ വീട്ടിലെ താരമായി മാറി.അതിക്രമിച്ചു കയറിയ മറ്റു നായകളെ അവന്‍ ഓടിച്ചിട്ടു കടിച്ചു.വീട്ടില്‍ വന്ന പലരെയും അവന്‍ പേടിപ്പിച്ചു.ചിലര്‍ക്കിട്ടു ചെറിയ കടിയും കിട്ടി. അതോടെ കൈസറെ ഭയന്ന് ആളുകള്‍ അവിടെ വരാന്‍ മടിച്ചു.ഇത് കണ്ട അച്ഛന്‍ അവനെ തുടലിട്ടു പൂട്ടി.
ഒരു നാള്‍ രാവിലെ അവന്‍ തുടലും പൊട്ടിച്ച് എങ്ങോ പോയി മറഞ്ഞു.
************************************************************
പിന്നീടൊരുനാള്‍ നാടുണര്ന്നത് കള്ളന്‍ കണാരന് പേ വിഷബാധ ഏറ്റു എന്ന വാര്‍ത്തയുമായാണ്.അതൊരു തുടക്കം മാത്രമായിരുന്നു....
No comments:
Post a Comment