അമ്മ ഒരു ബാധ്യത !!

'അമ്മ ഒരു മണ്ടിയാ, ഒന്നും അറിയില്ല" എന്നൊക്കെ തോന്നി തുടങ്ങിയിട്ട് കാലങ്ങൾ പലത് കഴിഞ്ഞിരിക്കുന്നു.

എപ്പോൾ മുതലാണ് 'അമ്മയിൽ കുറ്റങ്ങളും കുറവുകളും നിറഞ്ഞു തുടങ്ങിയതെന്നറിയില്ല!!

.

സമൂഹ മദ്ധ്യത്തിൽ അയല്പക്കക്കാരനുമായി മത്സരിക്കുവാൻ വേണ്ടി, പുതുതായി വാങ്ങി കൊടുത്ത ഫോൺ അൺലോക്ക് ചെയ്യുവാൻ അറിയാതെ മിഴിച്ചു നിന്ന് തുടങ്ങിയപ്പോൾ മുതലോ??

.

അതോ പാർട്ടി കോമരങ്ങൾക്കൊപ്പം, കത്തിയും മുള്ളും ഉപയോഗിക്കാനറിയാതെ കൈകൾ കൊണ്ട് തിന്ന അന്ന് മുതലോ ??

.

റെയിൽവേ സ്റ്റേഷൻ പരിസരത്ത് ഉപേക്ഷിച്ച നാൾ തന്നെ, ഏതോ ചാനലുകാർ ക്യാമറ കണ്ണുകളിൽ കൂടി, അമ്മയുടെ നരവീണ കണ്ണിലെ തുള്ളികൾ കച്ചവടത്തിനായി ഒപ്പിയപ്പോളൊ ??

.

ആവാൻ വഴിയില്ല!!

നൊന്ത് പെറ്റ തന്‍റെ കുഞ്ഞിനെ നോക്കി വേദന മറന്നു ആദ്യമായി ചിരിച്ചപ്പോൾ മുതൽ??

.

കുഞ്ഞിന്‍റെ ഭാവിക്കായി വിദേശ ജോലി വലിച്ചെറിഞ്ഞ നാൾ മുതൽ??

.

കുപ്പിപാലുകൾക്ക് നേരെ മുഖംതിരിഞ്ഞു നിന്ന് മുലക്കണ്ണുകൾ കുഞ്ഞിനെടുത്ത് നൽകിയ അന്നു  മുതൽ....??

കുഞ്ഞിന്‍റെ ഓരോ നിശ്വാസങ്ങളും നെഞ്ചിലേറ്റിയ നാൾ മുതൽ ??

.

അറിയില്ല !!

.

"അമ്മ" ഇപ്പോൾ ഒരു ബാധ്യത എന്നത് മാത്രം അറിയാം!!

.
നരവീണ കണ്ണുകളിൽ, മക്കളുടെ അവഗണനയിലും കണ്ണീരിന്‍റെ നനവുള്ള സ്നേഹം പൊഴിക്കുന്ന....
.
ഇടറുന്ന കാലടികളോടെ എന്നും മക്കളുടെ അടുത്തെത്തുന്ന.......
.
വിറയാർന്ന വാക്കുകളാൽ തന്‍റെ മക്കൾക്കായി പ്രാർത്ഥന ചൊല്ലുന്ന....
.
"മോളെ" എന്ന വിളിക്കൊപ്പം പല്ലില്ലാ മോണ കാട്ടി ചിരിക്കാൻ ശ്രമിക്കുന്ന....

മറ്റുള്ളവർക്ക് മുന്നിൽ മറയ്ക്കുവാനാവാത്ത വെറുമൊരു ബാധ്യത!!
.
ഒരിറ്റു സ്നേഹം തിരികെ നല്‍കിയാല്‍.....,
.
മക്കള്‍ മടിയില്‍ ഒന്ന് തല ചായ്ചാല്‍...., 
അവര്‍ക്കായി വാത്സല്യം ചുരത്തുന്ന മുലകളോടെ,അമ്മ എന്ന ബാധ്യത....,

ഒടുവില്‍ !!!! ..........