തറവാട്:കോംബ്രിട്ടേസി
sslc ബുക്കിലെ പേര്: ടെര്‍മിനേലിയ ചെംബുല
ഇന്ദ്രൻ അമൃതുപാനം ചെയ്യുമ്പോൾ അതിൽ നിന്നും ഒരു തുള്ളി ഭൂമിയിൽ വീണുന്നും അത് കടുക്കയായി എന്നു ഒരു ഐതിഹ്യം പറയപ്പെടുന്നു.
നല്ല തിളക്കമുള്ള ഇലകളും ധാരാളം കായകളും സീസണില്‍ ഉണ്ടാകും. കായയുടെ മാംസളമായ പുറംതോടാണ് ഔഷധമായി ഉപയോഗിക്കുക. കടുക്ക കത്തിച്ച ചാരം വെണ്ണയില്‍ ചാലിച്ച് പഴകിയ വ്രണങ്ങളില്‍ പുരട്ടിയാല്‍ സുഖപ്പെടും. കടുക്കത്തോട് പൊടിച്ചതുകൊണ്ട് പല്ലുതേച്ചാല്‍ വായ് നാറ്റവും മോണരോഗങ്ങളും മാറും. ദഹനക്കുറവുള്ളവര്‍ ആഹാരത്തിനു മുമ്പ് അര ടീസ്പൂണ്‍ കടുക്കപ്പൊടി ശര്‍ക്കരയും ചേര്‍ത്ത് കഴിച്ചാല്‍ നല്ല വിശപ്പും ദഹനവും ലഭിക്കും.
യൌവനം നിലനിര്‍ത്തും. മലശോധന, കുഷ്ഠം, ക്ഷയം, പ്രമേഹം, അര്‍ശസ്,അമ്ലപ്പിത്തം, കഫ രോഗങ്ങള്‍ ഇവക്കെല്ലാം ഗുണം ചെയ്യും. കടുക്ക, നെല്ലിക്ക, താന്നിക്ക, ഇരട്ടിമധുരം ഇവ പൊടിച്ച് ചൂര്‍ണമാക്കി നെയ്യും തേനും ചേര്‍ത്ത് പതിവായി കഴിക്കുന്നത് എല്ലാ നേത്രരോഗങ്ങള്‍ക്കും നല്ലതാണ്. ദഹന ശക്തി വര്‍ദ്ധിപ്പിക്കാന്‍, കണ്ണിനും ഗളരോഗങ്ങള്‍ക്കും ഉള്ള ഔഷധം എന്നീ നിലകളില്‍ കടുക്ക ഉപയോഗിക്കുന്നുണ്ട്. വലിയ മരമായി വളരുന്ന ഔഷധസസ്യമായ ഇതിന്റെ തടി പ്ലൈവുഡ് വ്യവസായത്തിനും ഉപയോഗിക്കുന്നു. നല്ല ഒരു തണല്‍വൃക്ഷം കൂടിയാണിത്.
പത്തമ്മയ്ക്ക് തുല്യം ഒരു കടുക്ക എന്നര്‍ത്ഥം വരുന്ന ദശമാതൃഹരീതകീ എന്നൊരു ചൊല്ല് സംസ്കൃതത്തിലുണ്ട്. കടുക്ക ത്രിദോഷഹരമായ ഒരു ഔഷധമാണ്,ചൊറി,ചിരങ്ങ്,വ്രണങ്ങൾ ഇവ മാറുന്നതിനും വിരേചനതിന്നും ഇത് ഉപയോഗിക്കുന്നു. കരള്‍വീക്കത്തിനും, മഹോദരത്തിനും കടുക്കയുടെ ഉപയോഗം പ്രയോജനം ചെയ്യും. കടുക്കാപ്പൊടി തേന്‍ ചേര്‍ത്ത് തൊണ്ടപഴുപ്പിന് പുരട്ടാം.
വെള്ളത്തിൽ കടുക്കയുടെ പുറംതോട് ചുരണ്ടിയിട്ട് പടിക്കാരം ചേർത്താൽ മഞ്ഞച്ചായം കിട്ടും. പടിക്കാരത്തിനു പകരം അന്നഭേദി ചേർത്താൽ കറുത്ത മഷി കിട്ടും. തോൽ ഊറയ്ക്കിടാനും ഉപയോഗിച്ചിരുന്നു.
അഴകും ആയുസ്സും,സൂര്യതേജസ്സും പ്രദാനം ചെയ്യുന്ന ഈ ഔഷധം തന്നെ ലൈംഗിക വിരക്തി ആഗ്രഹിക്കുന്ന പലര്‍ക്കും ഉപയോഗിക്കാവുന്നതാണ്.(സൂക്ഷിച്ചു ഉപയോഗിച്ചില്ലേല്‍ പണി പാളും എന്നതിനാല്‍ ലൈംഗിക വിരക്തി കൊതിക്കുന്ന ഫാവി സന്യാസിമാര്‍ വൈദ്യന്‍മാരോട് ചോദിച്ച്,ഉപയോഗം മനസ്സിലാക്കി മാത്രം ഉപയോഗിക്കുക)
=================================================================================
കടപാടും, കഷ്ടപാടും ഒക്കെ ഗൂഗിള്‍ മുത്തിയോട് തന്നെ
No comments:
Post a Comment