ആദ്യപെണ്ണിൻ്റെ ആദ്യചുംബനം പോലെ രതിനിർവൃതി കുത്തിനിറച്ചതാണ് കഞ്ചാവ് നിറച്ച സ്ടഫ്ഫിലെ അവസാന പഫ്.ചുണ്ടുകളെ പൊള്ളിക്കുന്ന ചുകപ്പു ചൂടിനൊപ്പം ശരീരമാകെ പടർന്നിറങ്ങുന്ന തീവ്രതയാണ് രണ്ടിനും.ചുണ്ടിലൂടെ തുടങ്ങി സപ്തനാഡികളിലേയ്ക്കും ആഴ്ന്നിറങ്ങി പടർന്നു കയറുന്ന വശ്യത ഒളിഞ്ഞിരിപ്പുണ്ട് രണ്ടിലും.
പൊട്ടിത്തെറിക്കും വിധം വലിഞ്ഞുമുറുകിയ ഞരമ്പുകളില്‍ ലഹരിനിറഞ്ഞ രക്തം കുത്തി ഒലിച്ചു കലങ്ങി മറിഞ്ഞ് പായുകയാണ്.ഒടുവില്‍ എല്ലാം എരിഞ്ഞടങ്ങി ചാരം മാത്രം താഴേയ്ക്ക് പതിക്കുന്നു.
പിന്നെ ശാന്തതയാണ്.
സംതൃപ്തിയിൽ പൊടിഞ്ഞ വിയർപ്പുതുള്ളികൾ ഒപ്പിമാറ്റുവാൻ പോലും ആകാതെ, പാതിയടഞ്ഞ മിഴികളോടെ.....!!
എല്ലാത്തിനും തുടക്കം കുറിച്ച ചുണ്ടുകളിൽ, ലഹരി മണം തുളുമ്പി നിൽക്കുന്ന കൊതിയോടെയുള്ള മന്ദഹാസം പറ്റിപിടിച്ചിരിക്കുന്നു.
പാതിയടഞ്ഞ മിഴികളിൽ അപ്പോഴും ഉന്മാദ നഗ്നത തങ്ങി നിന്നിരുന്നു.
വായുവിൽ അലിഞ്ഞില്ലാതായ പുകച്ചുരുളുകൾക്കൊപ്പം മറ്റൊരു രാവിന് കൂടി കൊടിയിറക്കമായി!!
**************
എത്രയെത്ര സ്ത്രീകൾ!!
തുള്ളികൾ ഇറ്റുന്ന സൂചികൾ !!
എണ്ണിയാൽ തീരാത്ത സ്റ്റഫുകൾ!!
അടങ്ങാത്ത സീല്ക്കകാര ശബ്ദങ്ങൾ!!
ഒടുവിലൊരുനാൾ,എല്ലാ ലഹരിയും ഒരുമിച്ചറിയാനുള്ള വാശിയിൽ ഉഗ്രവിഷമുള്ളോരു സർപ്പത്തിനൊപ്പം അന്തിയുറങ്ങി.
വലിഞ്ഞു മുറുകുന്ന ശരീരത്തോടെ....
കണ്ണുകളിൽ നിറഞ്ഞ ഭോഗ തീഷ്ണതയോടെ......
തൊണ്ടയിൽ കുടുങ്ങി മുറിഞ്ഞ സീൽക്കാരത്തോടെ........
പട പട മിടിക്കുന്ന ഹൃദയ തുടിപ്പുകളോടെ.............,
ഊർദ്ധൻവലിക്കുന്ന ശ്വാസങ്ങളോടെ.....
ഒടുവിൽ!!
ശരീരമാസകലം പിടഞ്ഞുമറിഞ്ഞുകൊണ്ട്, ലഹരിയുടെ "ലഹരി"യെ അവൻ അറിഞ്ഞാസ്വദിക്കുവാൻ തുടങ്ങി...
No comments:
Post a Comment