എഴുത്തില്‍ അലിഞ്ഞ കറുപ്പ് !!

                       കറുപ്പിന്റെ ലഹരിയെ കുറിച്ച് വാതോരാതെ എഴുതണമെന്ന ആഗ്രഹത്തിൽ എഴുത്തുപകരണങ്ങലായ പേനയും പേപ്പറും അടുത്ത വീട്ടിലെ ചെക്കന്റെ സ്കൂൾ ബാഗിൽ നിന്നും അടിച്ചു മാറ്റി, രണ്ടു സ്റ്റഫും അടിച്ചു കയറ്റി വരികൾക്ക് വേണ്ടി ഉറക്കെ മുക്കി തുടഗിയപ്പോൾ ആണ്,കറുപ്പിന്റെ ലഹരിക്കു നിരോധനം ഏർപ്പെടുത്തിക്കൊണ്ട്LATE ആയി വന്നാല്‍ ലേറ്റസ്റ്റാകും എന്ന നയമുള്ള പാർട്ടി,ആദ്യമായി പുറത്തിറക്കിയകറുപ്പിനെ കുറിച്ചുള്ള ലഘു ലേഖ പിൻവലിച്ചത്.

എഴുത്തിന്റെ വഴിയിൽ വച്ച് തന്നെ കറുപ്പെന്ന ലഹരിയെ അറിഞ്ഞാസ്വദിക്കാൻ കിട്ടിയൊരവസരം നഷ്ടപ്പെട്ട വേദനയിൽ ഞാനെന്റെ എഴുത്ത് പെട്ടി അടച്ചു വച്ച് നല്ലൊരു സ്റ്റഫും വലിച്ചുകയറ്റി കസ്സേരയിലേയ്ക്ക് ചാഞ്ഞു.

അപ്പോഴാണ്, കതകിൽ മുട്ടു കേട്ടത്.

തുറന്നു നോക്കിയപ്പോൾ, അടുത്ത വീട്ടിലെ കുട്ടിയും, അവന്റെ അപ്പനും അപ്പൂപ്പനും,അപ്പൂപ്പന്‍റെ അപ്പന്‍റെ ഫോട്ടോയും ഒക്കെ ഉണ്ട്.

കുട്ടി, ഏതോ പ്രോജെക്ട എഴുതി വച്ചിരുന്ന പുത്തകത്തിൽ നിന്നുമാണത്രെ തിരക്കിനിടയിൽ എഴുത്തിനുള്ള പേപ്പർ വലിച്ച് കീറിയത്.ആക്രാന്തത്തിൽ കീറിയതുകൊണ്ടു , അതിന്റെ മറ്റു പേജുകളും ഇളകി പോന്നിരുന്നു.

*************

പുതിയ നോട്ടു വാങ്ങി, അതിൽ കുട്ടിക്ക് വേണ്ടി ആ പ്രോജെക്ട മുഴുവൻ എഴുതി കഴിഞ്ഞപ്പോളേയ്ക്കു തുടർച്ചയായ മൂന്നു മണിക്കൂറുകൾ !!
മണിക്കൂറുകൾനീണ്ട എഴുത്തിനൊപ്പം കറുപ്പിന്റെ ലഹരിയും കെട്ടടങ്ങിയിരുന്നു.

എഴുത്തിന്റെ ക്ഷീണം ബാധിച്ച സിരകളെ, ഓയിൽ പേപ്പറിൽ തെറുത്തെടുത്ത മറ്റൊരുസ്ടഫ്ഫിനാല്‍ ഉണര്ത്തിക്കൊണ്ട്,ആനന്ദ നിര്‍വ്രുതിയാല്‍ കണ്ണുകള്‍ അടയ്ക്കുംബോളും,കറുപ്പ് നിരോധിച്ച പാര്‍ട്ടി നേതാവിനെ മനസ്സറിഞ്ഞ് രണ്ടെണ്ണം പറയുവാന്‍ എല്ലാ കറുപ്പ്സ്നേഹികളെ പോലെ എന്‍റെ ഹൃദയവും തുടിക്കുന്നുണ്ടാരുന്നു.