പാതിരാ നേരത്ത് ഞെട്ടിയുണർന്നു പേനയും പേപ്പറും തപ്പിയെടുത്ത് എഴുതുവാൻ ഇരുന്നപ്പോൾ ആണ്, എഴുതേണ്ടിയിരുന്ന പല വരികളും എഴുതുവാൻ പറ്റണില്ല എന്ന നഗ്നസത്യം മനസ്സിലായത്!!
ഇനിയെന്തെഴുതും എന്ന ചിന്തയിൽ ഇരിക്കുമ്പോൾ ജനലില്‍ കൂടി തണുത്ത കാറ്റ് വീശുന്നുണ്ടാരുന്നു.മനസ്സു വീണ്ടും എഴുത്തിലേയ്ക്ക് തന്നെ മടക്കി കൊണ്ടു വരാൻ ശ്രമിച്ചപ്പോൾ കാറ്റിനൊപ്പം ഒരു കുഞ്ഞുവെട്ടം മിന്നിക്കൊണ്ട് കടന്ന് വന്ന് എഴുതാന്‍ വച്ച പേപ്പറില്‍ ഇരുന്നു.ശ്രദ്ധ ആകര്‍ഷിക്കാന്‍ എന്ന പോലെ ഒന്നുരണ്ടു വട്ടം ചുറ്റി പറന്നശേഷം അവിടെ തന്നെ വന്നിരുന്നു.അവനെന്തോ പറയാനുണ്ടോ??
അറിയില്ല!!
അല്‍പനേരം എന്തൊക്കെയോ പറയാന്‍ ശ്രമിച്ച് പരാജയപെട്ട ശേഷം അവന്‍ വന്ന വഴി തന്നെ പുറത്തേയ്ക്ക്...
പിന്നെയും എഴുതണം എന്ന മോഹത്തില്‍ കുറെ ആലോചിച്ചു.
ഒടുവില്‍ പേപ്പര്‍ കീറികളഞ്ഞ് ലൈറ്റണച്ച് കട്ടിലിലേയ്ക്ക് മടങ്ങി.
എഴുതനമെന്നാഗ്രഹിക്കുന്ന പലതും പലപ്പോഴും എഴുതാന്‍ പറ്റാറില്ലല്ലോ.
കുറിച്ചു വച്ച പല വരികളും ചിലപ്പോള്‍ എവിടെയെന്നറിയാത്ത എങ്ങോ കളഞ്ഞു പോയി എന്നും വരാം!!
കളഞ്ഞുപോയ വരികള്‍ ഇനി ഓര്‍മകളില്‍ മാത്രം,പുതിയ വരികളിലൂടെ കണ്ണുകളെ വഴിതെറ്റാതെ പായിക്കുവാന്‍ ഇനിയും ശ്രദ്ധിക്കേണ്ടിയിരിക്കുന്നു.
എത്ര ശ്രദ്ധിച്ചാലും പിടിതരാത്ത അത്ഭുത രചന തന്നെ ജീവിതം!!
********************************************************
No comments:
Post a Comment