1969 ജൂൺ മാസം ഫ്രാൻസ്സിൽ ഇറങ്ങിയ ഒരു നോവൽ വെറും 9 മാസം കൊണ്ട് 10 ലക്ഷം കോപ്പികൾ വിറ്റഴിയുകയുണ്ടായി. ടോൾസ്റ്റോയിയുടെ "യുദ്ധവും സമാധാനവും", ഡാൻ ബ്രൗൺന്റെ "ഡാവിഞ്ചി കോഡ്" എന്നിവയെ വരെ പിന്തള്ളിക്കൊണ്ട്, ഗുഡ് റീഡ് റേറ്റിങ്ങിൽ 4.2/ 5 നേടിക്കൊണ്ട്, ഈ പുസ്തകം 2016 ലും നാലാം സ്ഥാനത്ത് നിൽക്കുന്നു.
അധോലോകത്ത് "ചിത്രശലഭം" എന്നർത്ഥം വരുന്ന "പാപ്പിയോൺ" എന്നറിയപ്പെടുന്ന "ഹെൻറി ഷാരിയർ"തന്റെ ഇരുപത്തഞ്ചാമത്തെ വയസ്സിൽ, ചെയ്യാത്ത ഒരു കൊലപാതകത്തിന്റെ പേരിൽ, 1931 ൽ ജീവപര്യന്തം ശിക്ഷിക്കപ്പെട്ട്, ഫ്രഞ്ച് ജയിലിലേയ്ക്കും അവിടുന്ന് ഫ്രഞ്ച് ഗയാനയിലെ പീനൽ കോളനിയിലും അയക്കപ്പെടുന്നു. ജീവപര്യന്തം എന്നാൽ ജീവിതാവസാനം വരെ എന്നറിയാവുന്ന ഹെൻറി, "ഇത്രയും നീണ്ട ശിക്ഷ താൻ അനുഭവിക്കില്ല" എന്ന് പ്രതിജ്ഞ എടുക്കുന്നു.
പുസ്തകം വാങ്ങി വായിക്കുവാൻ ആഗ്രഹിക്കുന്നവർ ഇവിടെ അമർത്തിക്കോ...
അധോലോകത്ത് "ചിത്രശലഭം" എന്നർത്ഥം വരുന്ന "പാപ്പിയോൺ" എന്നറിയപ്പെടുന്ന "ഹെൻറി ഷാരിയർ"തന്റെ ഇരുപത്തഞ്ചാമത്തെ വയസ്സിൽ, ചെയ്യാത്ത ഒരു കൊലപാതകത്തിന്റെ പേരിൽ, 1931 ൽ ജീവപര്യന്തം ശിക്ഷിക്കപ്പെട്ട്, ഫ്രഞ്ച് ജയിലിലേയ്ക്കും അവിടുന്ന് ഫ്രഞ്ച് ഗയാനയിലെ പീനൽ കോളനിയിലും അയക്കപ്പെടുന്നു. ജീവപര്യന്തം എന്നാൽ ജീവിതാവസാനം വരെ എന്നറിയാവുന്ന ഹെൻറി, "ഇത്രയും നീണ്ട ശിക്ഷ താൻ അനുഭവിക്കില്ല" എന്ന് പ്രതിജ്ഞ എടുക്കുന്നു.
ഏറ്റവും പൈശാചികവും, നിന്ദ്യവുമായ ശിക്ഷാ വിധികൾക്കിടെ സാഹസികത നിറഞ്ഞ, തുടർച്ചയായ രക്ഷപെടൽ ശ്രമങ്ങൾ. "ഏറ്റവും അപകടകാരി" എന്ന പേരിൽ ഒടുവിൽ ചെകുത്താൻ തുരുത്തിലേയ്ക്ക് മാറ്റപ്പെടുന്ന പാപ്പിയോൺ അപ്പോളും ആത്മ വിശ്വസം കൈവിട്ടിരുന്നില്ല. അവിടുന്ന് നാളികേരം നിറച്ച ചാക്കിൽ കയറി ആർത്തിരമ്പുന്ന കടൽമാർഗം രക്ഷപെട്ട് വെനിസ്യുലയിൽ എത്തിപ്പെടുന്നു.പതിനാലു വർഷം നീണ്ടു നിന്ന യാതനകൾക്കൊടുവിൽ എത്തിപ്പെട്ട നാട്ടിൽ ആയി പിന്നീടുള്ള ജീവിതം.അവിടുത്തെ പൗരത്വം സ്വീകരിച്ച അദ്ദേഹം പതിറ്റാണ്ടുകൾക്ക് ശേഷം തന്റെ ആത്മകഥ നോവൽ രൂപേണ എഴുതുന്നു.
ഈ നൂറ്റാണ്ടിലെ എന്നല്ല മാനവ ചരിത്രത്തിലെ തന്നെ മഹത്തായ ഇതിഹാസങ്ങളുടെ ഒപ്പം നിൽക്കാവുന്ന ഒരു രചന ആയി ഇതിനെ പലരും കാണുന്നുണ്ട്.മറ്റു ചിലർ ആവട്ടെ , വായനക്കാരെ രണ്ടായി തിരിക്കുക വരെ ചെയ്തു, "പാപ്പിയോൺ വായിച്ചവരും , പാപ്പിയോൺ വായിക്കാത്തവരും".
ഇങ്ങനെ ഒക്കെ ആണെങ്കിലും ഒരു കാര്യം ഉറപ്പാണ്.
ആവേശത്തോടെ...
ആകാംഷയോടെ.....
ഉദ്ദ്വേഗത്തോടെ ....... മാത്രം വായിച്ച് തീർക്കുവാൻ സാധിക്കുന്ന ഒരു നോവൽ, ശ്വാസമടക്കിപിടിച്ച് മാത്രം വായിച്ച് പോകാവുന്ന ചില സംഭവങ്ങൾ.
മനുഷ്യന്റെ അടങ്ങാത്ത ആത്മവിശ്വാസത്തിന്റെ...... തളരാത്ത പോരാട്ട വീര്യത്തിന്റെ...... ഇതിഹാസം തന്നെ ആണ് പാപ്പിയോൺ എന്ന നോവൽ എന്നത് ഏതൊരു വായനക്കാരനും സമ്മതിക്കാതെ തരമില്ല.രക്ഷപെടുവാൻ വേണ്ടി ജീവൻ പണയം വച്ച്കൊണ്ടും എന്ത് സാഹസികതയ്ക്കും തയ്യാറാവുന്ന പാപ്പിയോൺന്റെ കഥ എനിക്ക് ഇഷ്ടപ്പെട്ട പുസ്തകങ്ങളിൽ മുൻപന്തിയിൽ നിൽക്കുന്നു.
ഈ പുസ്തകത്തെ അടിസ്ഥാനമാക്കി "പാപ്പിയോൺ" എന്ന സിനിമ 1973 ൽ ഇറങ്ങുകയുണ്ടായി.നോവൽ വായിച്ച ശേഷം കണ്ട സിനിമ ആയതു കൊണ്ടോ എന്തോ, ഏകദേശം അഞ്ഞൂറോളം പേജുകൾ വരുന്ന ഈ നോവൽ വായിക്കുന്ന സുഖമോ ആവേശമോ ആകാംഷയോ ഒന്നും തന്നെ രണ്ടര മണിക്കൂറിൽ താഴെയുള്ള ആ സിനിമയ്ക്ക് നൽകുവാൻ സാധിച്ചില്ല
