തറവാട്:മിറിസ്റ്റിക്കേസി
sslc ബുക്കിലെ പേര്: മൈറിസ്റ്റിക ഫ്രാഗ്രൻസ്
ജാതിഫലം എന്നും മാലതീഫലം എന്നും ഒക്കെ അറിയപ്പെടാറുണ്ട്.
ഇന്ത്യോനേഷ്യയിൽ ആണു ജനിച്ചതെങ്കിലും,മറ്റു പല രാജ്യങ്ങളെ പോലെ, ഇന്ത്യയിലും ജാതി സുലഭമായി കൃഷി ചെയുന്നുണ്ട്. നമ്മുടെ കൊച്ചു കേരളത്തില് ആണ്, ഇന്ത്യയില് ഏറ്റവും കൂടുതല് ജാതി കൃഷി ചെയ്യുന്നത്.
ആണ് മരവും, പെണ് മരവും ഉണ്ടെങ്കിലും കായ്ക്കുന്നത് പെണ്മരങ്ങള് മാത്രമാണ്.
ഉഷ്ണവീര്യവും കഫവാതശമനവുമായ ഇത് അജീര്ണത്തെ മാറ്റും. വായനാറ്റം, കൃമി, ഛര്ദ്ദി, ഹൃദ്രോഗം, ധാതുക്ഷയം, നീര് എന്നിവക്ക് ഉപയോഗിക്കാവുന്നതാണ്. ജാതിപത്രി മധുര രസമുള്ളതും കഫഹരവും ഉഷ്ണവീര്യവുമാണ്. കാസം, ശ്വാസം, തൃഷ്ണ, വിഷം എന്നിവയ്ക്ക് ഗുണപ്രദമാണ്. ഗര്ഭകാലത്തുണ്ടാവുന്ന ഛര്ദ്ദി, ശുക്ലവര്ധന എന്നിവയ്ക്ക് ജാതി ഉപയോഗിച്ച് വരുന്നു. ജാതിക്കയുടെ പൊടി ആപ്പിള് നീരുമായോ വാഴപ്പഴവുമായോ ചേര്ത്ത് കഴിച്ചാല് വയറുകടിക്ക് ആശ്വാസം കിട്ടും. ഒരു കാരണവുമില്ലാതെ,രാത്രി മുഴുവന് കുത്തിയിരുന്നു കരയുന്ന പുള്ളേര്ക്ക് , ജാതിപത്രി തേനില് ചാലിച്ച് നാക്കില് തേച്ചുകൊടുത്താല് ഉടനെ ആശ്വാസമുണ്ടാകും.(എന്ന് വച്ച്, സ്ഥിരം കൊടുക്കരുത്). അതിസാരം അധികമായി ശരീരത്തിലെ ജലാംശം നഷ്ടപ്പെട്ട് ദേഹം വരണ്ട് പോയാല് ജാതിക്ക കഷായം വെച്ച് ഇളനീര് വെള്ളത്തോടൊപ്പം കൊടുക്കുന്നത് നല്ലതാണ്.
ജാതിമരത്തിന്റെ താഴത്ത് പതിവായി പോയി മേപ്പോട്ട് നോക്കി കുത്തിയിരുന്നാല് ദുര്മേദസ് കുറയുന്നതാണ്. മോണപഴുപ്പ്, പല്ലുവേദന ഇവയ്ക്ക് ജാതിക്കായും ഇന്തുപ്പും ചേർത്ത് അരച്ച് തേച്ചാൽ മറും. ത്രിഫലാദി ചൂർണ്ണം, ആട്ടിൻ സൂപ്പ് , അതിസാരഗ്രഹണിചൂർണ്ണം, കർപ്പൂരാദി ചൂർണ്ണം, ജീരകാദിചൂർണ്ണം എന്നിവയിൽ ഉപയോഗിക്കുന്നു
===========================================================
കടപാടും, കഷ്ടപാടും ഒക്കെ ഗൂഗിള് മുത്തിയോട് തന്നെ
